கார்த்திகைப் பூக்களின் கனவும் நீதானே

நாற்று நடும் கைகள் எங்கே ?..

நல்ல தமிழ்ப் புலமை எங்கே ?...

பூட்டி வைத்த அறையினுள்ளே 

புதைந்து கிடக்கும் சுதந்திரமே !!!!...

ஒற்றையடிப் பாதையிலே 

ஒருவர் பின்னல் ஒருவர் செல்லக் 

கற்றுத் தந்த பாடமெல்லாம் 

களமிறங்கப் பார்க்குதுன்னால் 

வட்டமிடும் பருந்திற்கும்  

வழி காட்டும் நரிகளுக்கும் 

அச்சமின்றி நிமிர்ந்த தலை 

அடங்கிடுமோ எந்நாளும் ?...

பொட்டு வைத்து வழியனுப்பும் 

பொங்கு தமிழ்க் குலத்தின் நிழல் 

கட்டுப் பாட்டை மீறும் முன்னால் 

காத்து விடு சுதந்திரமே ....

பட்டுப் போன மரத்தடியில் 

பல மரங்கள் தழைத்திருக்கும் 

அவைக்கும் உச்ச நீதி வழங்கிடவே 

ஓடி வா நீ சுதந்திரமே .....  ............